જો ઉનાળા તારી ઋતુનું સ્વાગત

જો ઉનાળા તારી ઋતુનું સ્વાગત કેવું થાય છે ,

શહેર આખુ રખડતો માનવી ઘરમાં પુરાય છે .

ચાર વાગ્યાની ચા ની ચુસ્કીયોની જગ્યા ,

ઠંડાપીણા અને જ્યુસ વડે છીનવાય છે . 

વૃક્ષોને જડમૂળ માંથી કાપનાર પોતે ,

છાયાની શોધમાં ફરતો દેખાય  છે .જો ઉનાળા તારી ...

 થાય ફળો ના રાજા સર્વે સમ્માનીત ,

બસ આપનો જ તિરસ્કાર થાય  છે .

                                                   

જીવતો જાગતો આ માનવી ,

મમી બની બહાર જાય છે .

ક્રોધિત થઈને પોતે ઉકળે ,

ને દોષ તારા પર ઠલવાય છે .જો ઉનાળા તારી ...

જેમ કદમ તારો પડે એના વતનમાં ,

ભલે પધાર્યા કહી બીજે ઉપડી જાય છે .

તારી બપોરની કઠોરતા અનુભવીને ,

બાળકોને નિબંધ સ્વરૂપે પ્રશ્ન પુછાય છે 

"અલી" જણાવે છે હાલ તારા સ્વાગતનું ,

તને કેટલું દેખાય છે ? કેટલું તને આ સંભળાય છે ? જો ઉનાળા તારી ...

- અલી  અસગર દેવજાણી